«Иә! Біз туберкулезді жоя аламыз!»

12.03.2024 жылы Балалар фтизиопульмонология оңалту орталығында 
24 наурыз Дүниежүзілік туберкулезге қарсы күрес күніне орай С.Асфендияров атындағы ҚазҰМУ фтизиопульмонология кафедрасымен бірлесіп және профессор Ракишева Анар Садуакасовна қатысуымен дөңгелек үстел өтті. Өткен жылғыдай бұл күн биыл да «Иә! Біз туберкулезді жоя аламыз!» девизімен өтеді. Бұл күн халықтың туберкулез туралы хабардарлығын арттыруға және өзімізді және балаларымызды одан сақтандыруға бағытталған.Балалар фтизиопульмонология оңалту орталығы(бұрын - №1 Балалар туберкулезге қарсы шипажайы) -  Алматы  қаласының балаларға  туберкулезге қарсы профилактикалық көмек көрсететін жалғыз оңалту орталығы болып табылады. Профильге сәйкес мұнда балаларда туберкулез ауруының дамуын болдырмауға бағытталған профилактикалық шаралар кешені жүргізіледі.